黃宗澤旅行散心拒拍寫真
黃宗澤（Bosco）昨日於銅鑼灣出席活動，他表示剛完成劇集《潛行狙擊》拍攝，接着又要為新戲開工；忙到透不過氣來。Bosco笑言希望八月能小休度假享受陽光與海灘。遭偷拍後留有陰影的Bosco，之前曾表明即使新劇收視理想亦不會穿泳褲答謝觀眾；想不到即使身處異地仍未能放開懷抱。記者問他度假時怕否以泳褲示人？他笑謂：「泳褲呢啲無咩嘢喇！」暗示自己已遭「睇蝕」。
偷拍事搜證中
遭偷拍後健碩身形一直成焦點的Bosco，被問到會否效法o靚模於暑假期間出寫真騷身材，Bosco聞言即笑謂：「我唔夠啲o靚模咁靚，仲未有六舊朱古力。」Bosco又指早前就偷拍事件到個人資料私隱專員公署投訴，現正調查搜證中。
鍾嘉欣撐思琦
而同場的鍾嘉欣，對於老友楊思琦近日被指狠撇李泳豪，兼盛傳因想生B向無綫請假九個月，嘉欣回應指兩星期前曾與思琦吃飯，但對方並沒有提及分手一事，亦不清楚對方是否如傳聞所指有喜，她說：「失戀已經好慘好傷心，愛情好難講邊個啱邊個錯，真相只有佢兩個人先知！攞假都唔一定係生仔，可能想放假、冷靜吓。」
採訪：影視組