陳庭欣聚少離多分手3個月
香港小姐陳庭欣之前先後被影到與無綫藝人黎諾懿、翟威廉約會，Toby一直指有個上海男朋友，原來她與對方已分手三個月！問是否因第三者介入，她坦言入行後大家時間難遷就，少了溝通，因而感情轉淡。
2010年香港小姐冠軍陳庭欣（Toby）算是工作量較多的冠軍港姐之一，除了到訪多個親善之旅，更有份擔任《為食總司令》主持，不過，隨着知名度日增，其緋聞都開始愈來愈多，Toby先後與黎諾懿及翟威廉有緋聞，雖然之前她一直指有個拍拖兩年的上海男友，不過日前她坦言已與對方在和平的氣氛之下分手！
否認第三者
問到是否因為緋聞及第三者介入所以分手？Toby說：「唔係，其實大家背景不嬲都唔係好夾，佢屋企係做生意嘅，而且喺上海居住，大家見面時間太少，我入咗行後，時間上更加難以遷就，所以三個月前我哋有共識地和平分手。」Toby又否認緋聞是分手的導火線，她謂：「其實有緋聞之前已有問題，佢向來好信任我，佢有佢嘅女性朋友，我有我嘅男性朋友，根本唔係問題。」
考慮圈中人
做藝人日與夜都要開工，Toby坦言見面太少是分手的主要原因，問她之後會否找圈中人做男朋友？她謂：「最緊要係揀個對自己好嘅，圈中人可能會明白大家工作及時間上的問題，不過自己唔會因此專登揀，順其自然啦！」
現時，Toby的港姐合約還有一段時間才完結，說到卸任後會否想一嘗拍劇滋味？她說：「都想，不過其實好多嘢都要改善，我已經改變咗我把卡通聲，咬字方面亦要改善。」
文：影視組
攝：沈健程
場地：凡高廚房
髮型：Sydney＠HAIR Lee Theatre