江若琳走佬新娘氹髮型師下海
穿上婚紗的江若琳（Elanne）在大街大巷通處走，自稱是走佬新娘子，她更成功勸服其靚仔髮型師為她奉獻第一次，並希望將來自己的婚禮在浪漫中低調舉行。
忙於在內地搵銀的Elanne，日前專程返港為其婚紗廣告主題曲《One & Only》拍攝MV，本來導演找來一名韓籍模特兒擔任男主角，但當客戶見到她的靚仔髮型師後，覺得跟她更為合襯，即游說他擔任演出，不過髮型師堅決拒絕，最後由Elanne親自出馬勸諫成功，她還得戚說：「佢將第一次奉獻咗畀我。」
期待浪漫婚禮
Elanne笑言她的髮型師怕醜，由於大家太熟稔，兩人拍攝深情對望時就忍不住笑，結果NG了好幾次，她笑說：「今次真係辛苦咗佢，要做男主角，又要做我嘅髮型師。」戴上近二千萬贊助鑽飾拍攝，令大懵的她增添壓力，她說：「唔見咗一粒石都唔知點算好。」
MV其中一幕講述Elanne穿上婚紗及高跟鞋在車站通街走，她笑說：「我跑咗十幾次，似足走佬新娘。」歌曲談到女孩待嫁心情，她希望將來結婚在一個浪漫低調環境下進行。
文：音樂組