傅穎寸Mia晒咪博上位

傅穎（Theresa）昨日與Mia等o靚模到戲院為新戲造勢，期間更充當售票員吸引粉絲買飛進場觀看。她又透露會送價值$88的電影寫真集予買票粉絲，又謂：「入面有好多周秀娜同Jessica C.嘅三點式相，（你？）我冇着三點式呀！」

許下裸泳承諾

另外，Theresa又為戲中各演員許下諾言，笑言票房過一千萬的話，男演員就會裸泳，而女演員則會穿上比堅尼與fans打排球。對於Mia多次出席電影宣傳均大賣事業線搶鏡，她就笑言：「我都明佢哋要爭取多啲曝光機會，希望佢哋發展順利！（唔介意被搶鏡？）我唔會選擇呢條路囉，可能夏天熱，佢哋要出嚟抖涼，（你唔使？）我本身比較耐熱，只會喺隆重場合先會放佢哋（咪咪）出嚟，佢哋好少見人。」而多次以性感搶鏡的Mia就強調自己是健康性感，又表示：「佢哋先係主角吖嘛，我搶唔到鏡嘅！」

Mia多次表示電影具教育意義，又表示自己亦會帶同仔女進場觀看。	A.Lin（左）亦有谷胸露事業線，不讓Mia專美。	傅穎以中性打扮現身錄影，雖然穿西裝卻不失性感。

有女fans示愛

另外，Theresa前晚以一身中性打扮與扮女人的洪天明等人出席節目《變身男女Chok Chok Chok》錄影，她表示身上的服飾均是向朋友借來：「對鞋係問向何韻詩借嘅，而條褲係葉文輝買完返嚟唔啱着，所以借畀我！」問傅穎曾否受過同性戀者的追求？她笑言：「以前出道時會有女fans向我示愛，我冇拒絕都冇接受，我覺得都係支持我啫！」

文：影視組