祖兒撐霆鋒筍盤
對於一位內地o靚模在網上向謝霆鋒露骨示愛，天后容祖兒激撐同門的霆鋒是魅力「筍盤」，故吸引異性示愛非常合理，正如自己也被「騎呢男」示愛一樣；而被傳成為鋒芝間「小三」的鍾欣桐亦表示不會避嫌，望與霆鋒再合作！
天后容祖兒昨日現身電台宣傳，記者提到日前盛傳一名內地90後o靚模企圖成為「鋒芝」之間的「小三」，在網上高調以露骨的字句向霆鋒示愛，祖兒說：「冇睇，不過霆鋒咁有魅力，係一個筍盤，又有才華、又靚仔、又後生，所以有人示愛一啲都唔出奇！（好似你『騎呢男』嗰單咁？）係囉，都有人同我講啦！」祖兒在另一活動中則表示霆鋒是好男人，但不適合她，對於合作與否就要看公司安排。
時間證清白
同門的鍾欣桐（阿嬌）在前日上海的活動上，被問到與霆鋒的緋聞，她表示清者自清，時間可證明一切，亦不避嫌揚言欲與霆鋒再度合作。昨日電台台慶上，再問阿嬌會否怕被傳媒將她與霆鋒扯在一起？她笑說：「根本唔應該扯埋一齊，（會唔會避開佢？）聽日（今天）唔去機場囉！公司應該冇安排我去機場。」
文：音樂組