羽翹美容女王不棄sing途
羽翹最為人熟悉的可能是於網上分享美容心得，對於當年帳號被盜用，她直言是人生低潮！雖然出道三年仍是星運平平，不過她表示不介意，寧願多花幾年時間去證明自己的音樂。今年她將首次推出美容工具書，與大眾分享自己的心得！
羽翹（Ava）出道三年，至今仍是星運平平，雖然她是個歌手，但可能大家對她印象最深刻的並非其歌，而是她於YouTube分享美容心得！不過她並不介意，因為至少這是她一手一腳捱出來，由寂寂無聞到現在有「YouTube美容女王」的美譽。
遇黑客人生低潮
問到人生低潮？Ava不假思索說：「畀人hack入YouTube帳號嘅時候！」她表示那個帳號對她來說意義重大，是她的努力成果及心血：「入面有百幾條片，好多hit rate同留言，但一夜之間畀人刪除晒，惟有開個新嘅，講明之前個帳號已經唔再屬於我，入面有好多留言都值得一睇再睇，但依家已經冇晒！」可能有人喜歡走捷徑，以緋聞博上位，但總有例外，Ava直言：「我希望用時間去證明，用多兩年去話畀大家知我嘅音樂，或者我嘅美容，我寧願穩陣啲，唔要只係多新聞先多人識，我要用努力換番嚟！」此外，她坦言渴望拍拖，擇偶圈內外都可以。
媽咪學生妹追捧
雖然Ava的歌藝事業仍需努力，但提到她在化妝美容上的努力，已為她帶來大批粉絲，她即喜上眉梢道：「有時出街見到啲媽咪，佢哋都會追問我化妝或者護膚上嘅嘢！我啲fans大部分都係女性嚟o架！」今年，Ava將加入才女行列推出化妝工具書，對象更是一眾女學生：「會教化妝護膚set頭，佢哋去唔同場合唔知點化妝嘅時候，希望呢本書可以幫到佢哋！」