傅嘉莉豁出去色相不保
影壇生力軍傅嘉莉（Kelly）與劉青雲合作拍電影，大讚前輩樂於教新人，使她容易入戲，Kelly自言現已燃點了戲癮，觀念亦有所改變，不會再像以往般左顧右盼，遇到合適的劇本，即使犧牲「色相」也在所不計。
傅嘉莉（Kelly）由模界涉足影壇，夥好戲之人劉青雲演對手戲，大讚前輩專業及樂於教人，使她獲益良多：「喺《禁閉驚魂》有場我同青雲哥嘅對手戲，但鏡頭係影我大頭，冇佢嘅戲，佢都會喺度陪我，等我容易啲入戲，而且又好肯教人，真係好多謝佢。」
除此之外，Kelly還感激對方做她的「開心果」：「要拍一場黯然落淚嘅戲，好考內心，彭發導演花咗一個鐘同我傾偈，問我有乜唔開心，佢一路講，我就一路喊，青雲哥喺隔籬睇住，慶幸好快拍到。（點抽離？）多得青雲哥，佢會講嘢令我開心番。」
為夢想拜師學藝
對於被彭發賞識，信奉佛教的Kelly認為是緣分安排：「好耐之前拍《無間道2》，彭發當時係套戲嘅剪接師，有場戲講我墮胎之後喊，我話喊得唔好，要嚟多Take，佢剪片時見到，咁多年後佢搵我拍戲，好感動佢記得我。」
Kelly直言拍戲是夢想，為此而拜師學藝，不過對於為電影而犧牲「色相」，以前一度有所忌諱的她終於豁出去：「彭導演問過我肯唔肯剪短頭髮，我以前有猶豫，佢係想試我對電影嘅鍾愛程度。不過依家我所有嘢都肯，只要有機會就得。」
文：專案組