楊采妮義助金城武隨時候命

昨晚楊采妮（Charlie）、范姜、何倍倩、名模姚予晴與男友曾朗明（前名曾智超）等出席Tiffany & Co.舉行的「What Makes Love True」活動。

二人同期出道

Charlie以一身古銅色現身，她解釋正跟郭富城合作拍戲，在戲中飾演漁民，為配合角色而故意曬黑。提到前緋聞男友金城武被指與日模拍拖，Charlie表示不知情，問到會否祝福對方？

楊采妮曾與金城武傳緋聞。

姚予晴與男友曾朗明拍拖出席活動。

她說：「如果佢開心就得，我哋係好拍檔，但好耐無聯絡，希望可以再合作。（佢結婚你會唔會自薦幫手﹖）搵我幫手都得。」談到與金城武以往的緋聞，她笑言因為二人屬同一經理人公司又同期出道，加上曾合作過不少電影所致。

正籌備婚禮的莫文蔚獲好友楊采妮祝福。	范姜表示會把首飾給子女。	何倍倩昨晚打扮高貴現身活動。

愛細路想結婚

至於好友莫文蔚將結婚，Charlie同樣樂意幫忙：「如果佢叫我做伴娘，我一定會做，之前講好晒，身邊嘅朋友隨時準備好，唔一定做伴娘，總之要幫都會幫。」雖然身邊好友紛紛結婚，但Charlie卻並不心急：「大個咗明白結婚係好個人嘅事，只要覺得幸福就得。我都想結婚，因為鍾意小朋友，但呢啲嘢順其自然，好難去計劃。」

文：名人組