薛凱琪裸獅狂野唔受玩

薛凱琪（Fiona）將於本月八日推出全新EP《August Girl》，為配合獅子座的她，以「野生獅子」為主題，Fiona戴上巨型浮誇假髮拍攝封套，還破天荒僅穿肉色Bra Top及打底褲，更應攝影師要求擺出獅子形態，最後利用電腦後期加工執走Bra Top及打底褲，營造赤裸造型，身為唱片公司董事總經理的李仁佳及唱片監製Edward Chan更專程抽空探班。

變陣轉攻燈箱

深受寵愛的Fiona獲公司大灑金錢鋪天蓋地賣廣告，可惜封套太性感，未能通過巴士及港鐵兩大公司審批部門，最終被拒慘食檸檬，唱片公司決定改變策略，集中火力在巴士站賣燈箱廣告，Fiona感激公司說：「證明今次造型夠突破，都要多謝公司花咁多錢宣傳。」

Fiona換上紅色開衩長裙騷美腿。

Fiona戴上巨型假髮，變身狂野獅子，連自己也忍不住喪笑。

冇執過Pat Pat

由於巨型假髮有不少甲蟲標本，戴了整日的Fiona得悉後即拋開假髮，場面搞笑，Fiona最後換上濃妝以紅色開衩長裙騷美腿拍攝另一造型。昨日Fiona接受電台訪問，問到Pat Pat位是否有「執過」？她尷尬說：「冇，差唔多啫。（會唔會叫房祖名買？）見到面會簽隻碟畀佢，不過身為好朋友應該要自己買。」

採訪：音樂組