陳嘉桓暗寸傅穎矮

Theresa昨日與Rose及日本混血名模Emi Reneta出席「wtc more世貿中心．Haus of Denim」揭幕禮，三女同以短裙、短褲騷腿上陣。Theresa與Rose均表示喜歡在夏天穿短裙短褲，Rose不忘補充：「因為我生得高嘛！」似暗寸對方矮。同場有濱崎步御用排舞師Sha-ya表演舞技兼晒胸肌，Emi更作狀拉下他的外套拉鏈，Sha-ya索性露點示人。

有意拜師學舞

Theresa曾睇過濱崎步DV，見識過Sha-ya的舞技，能有機會見面大感高興，不過她無意找Sha-ya教跳舞，擔心溝通困難：「佢係英文有限公司，我係日文有限公司。我係鍾意跳舞，但想去其他地方學，睇下有冇機會拜師。」目前Theresa忙於為電影及新書作宣傳，新書是散文並非寫真，肯定能入書展並會舉行簽名會，她會為新書嚴格校對，睇到她頭暈眼花！有意轉型當才女的她，打算每年出兩本書及設計figure作慈善義賣。

日本混血名模Emi Reneta騷靚背。

陳嘉桓笑言在家教愛犬耍詠春。

身材蝕可豐胸

談到在新戲中，身形最輸蝕，Theresa自嘲說：「睇身材都唔係睇我，我個身材比16時歲進步好多，如果有豐胸公司搵我，我唔介意。」又說不介意與緋聞男友羅仲謙一齊宣傳，不過她拒認謙仔是朋友，只說是同事，冇乜感覺。

陳嘉桓着熱褲騷美腿。

四人排排企，傅穎（左）明顯身高不及陳嘉桓（右二）。

至於Rose今年不會出寫真，笑言在微博已有很多她的靚相供大家觀看。她正忙於學習唱歌跳舞，稍後會公開唱歌，她到卡拉OK及在家沖涼時也勤力練歌。另外，Rose日前接受寵物雜誌訪問，家有四犬的她笑言：「其中一隻狗成日陪我練詠春，佢都學得一招半式。」

文：名人組