Twins防腐有功校服再施誘
入行十周年的Twins，日前為全新專輯拍攝封套及靚女相，包括重拍十年前的學生妹造型。由於阿Sa（蔡卓妍）和阿嬌（鍾欣桐）保養得宜，仍能輕易駕馭校服造型，工作人員讚她們似服了防腐劑，Twins笑言：「聽完之後就安樂晒」﹗
今年是人氣組合Twins入行十周年，她們將有連串慶祝活動。日前阿Sa和阿嬌便為全新國語專輯《3650》拍攝封套及靚女相，由於這次概念以「回憶」為主，而Twins這十年內有不少特別造型，當中校服造型仍是經典，至今為人津津樂道，故Twins再次化身「學生妹」，翻拍十年前的校服Look，作個新舊對照。惟她們找不回該套校服，幸得到形象指導幫忙，結果拍攝順利。
重拾少女情懷
阿Sa和阿嬌埋位時，表現得駕輕就熟，舉手投足都似足學生妹，阿嬌說：「我哋睇番好多舊相，發覺校服同運動服造型，係我哋嘅其中一個標誌，入行經歷嘅一部分。」阿Sa則笑說：「好耐冇着過校服，起初有少少壓力，仲要擺番當年表情同甫士，好彩影出嚟效果好好，仲可以重拾少女情懷。」
事實上，Twins雖已經入行十年，但依然青春可人，仍可駕馭校服造型，就連工作人員也讚嘆二人似服了「防腐劑」，更打趣笑她們十年來也沒大改變，保養得宜﹗Twins聽到讚美聲音，也不禁感到飄飄然，還笑稱：「咁都好啲，聽完之後安樂晒﹗」
文：專案組