法拉呻樓價貴抓贊助
陳法拉昨日出席品牌活動，坦言手上的電影和電視剛好齊齊煞科，問她會否趁暑假和男友出外度假，她說：「有諗過同媽咪去旅行，如果多啲人參加都OK，但未計劃去邊，就算去到天涯海角都畀人撞到，自己想自在啲，着住拖鞋周圍去。其實撞到遊客都無所謂，但佢哋即時放上網，搞到行蹤畀人知道晒。」
法拉坦言稍後時間會接多些輕鬆的品牌活動，更坦言最想得到「樓宇」贊助：「依家啲樓太貴，我都係租咋。（男友有樓呀？）佢還佢。（你哋唔係一齊住咩？）唔答你呢個問題。」她坦言心目中想買千呎大屋，可惜目前樓價太貴，直言搏殺期要小心投資。