惠英紅冇人吼情事免問
無綫為發掘功夫新星，選出18位參加者進行《功夫新星‧前哨戰》選拔賽，陳嘉桓、惠英紅、杜宇航擔任評判。陳嘉桓曾參加過武術比賽，奪得銀牌，她自問唔打得，學功夫只為拍戲。今次雖是評判身份，她卻當自己是小師妹，來為新人打氣。女星中，她最欣賞楊紫瓊，指她憑一副好身手衝出亞洲，奠定國際影星地位。
惠英紅是功夫女星，她亦說自己唔打得，更從未打過交，但拍電影時，她就好打得，尤其是拍《武俠》。昨日惠英紅穿一襲低胸裙出席，盡顯女人味，問她是否蜜運中？她說：「感情對我來說是死症，我已經唔想呢啲事。」但有人舊事重提，指她拍電視劇《包青天》時，與演公孫策的台灣演員范鴻軒傳緋聞，小紅否認說：「我同佢（范鴻軒）都冇feel，係阿勁（何家勁）見我感情冇着落，夾硬質我要，質畀我都冇用，人哋都唔要我，我從來都冇同佢聯絡過。」
