Crystal分裂做最宅才女
三人女子組合HotCha成員Crystal（張紋嘉）推出處女作，加入才女行列！利用兩個月時間創作出奇幻小說，Crystal自言在閉關撰寫期間，精神陷入分裂狀態，經常自言自語嚇壞旁人。
Crystal將於26歲生日（7月21日）當天推出首本著作《愛瘋說》，自言一向愛寫作的她，得唱片公司支持才能令兒時的夢想成真：「我讀書時，有諗過將來做作家，不過要加入娛樂圈做歌手，我先將呢個宏願暫時放低。」問她為何選擇寫奇幻書？Crystal謂：「因為我知自己寫愛情小說唔夠亦舒、張小嫻寫得咁好，本來我諗過寫散文，但又好似好空泛，所以都係寫我鍾意嘅題材。」
閉關好污歪
至於創作的過程，Crystal自言如陷入瘋癲狀態，因為她要在很寧靜的環境下才能寫作，故她一有空就返大學宿舍「閉關」，她憶述：「因為我唔使見人，所以個樣好恐怖，蓬頭垢面，最慘係仲有人認得我，但我都唔理得咁多，要全心全意寫作，由於要一人分飾幾角，我成日自己同自己講嘢，好似黐咗線咁。」問Crystal寫書是否很大壓力？她承認很大，但滿足感更多。
隊友盡配合
問HotCha其他成員如何支持她？Crystal笑言：「佢哋應該冇心機睇晒我本萬幾字嘅書，都係睇相為主。」但Regen及Winkie知她要全心寫書，故無論在公在私都盡量作出配合，如公餘時，不會引誘她行街，亦「御准」她提早收工，讓她有更多時間做作家。
文：音樂組