衞詩自認丟架求黎明原諒

Jill新書預計在本月中推出，身為虔誠基督徒的她，新書除了分享見證外，亦提及跟已離異父母和孿生家姐衞蘭的生活點滴，曾經沉淪毒海的Jill亦赤裸裸披露吸食毒品經過，她說：「我係見番一班好耐冇見嘅高中同學先接觸毒品，當時嘅我啱啱入行，覺得好大壓力、冇人理，又唔知邊啲朋友係真，邊啲係假，好多唔好嘅感覺一次過爆發出嚟，咁啱又有朋友叫我試吓（毒品），漸漸就用毒品麻醉自己！」

感謝被視如親女

雖然當時已是黎明旗下歌手，但Jill坦言就算感到不開心，亦不夠膽找老闆傾訴，她說：「或者自己驚啦，唔敢出聲。（好怕佢？）真係會驚老闆，又唔想令佢擔心！」Jill坦言黎明十分愛錫自己和家姐，更視她倆如親女兒般看待，她說：「例如我哋去北京做完嘢，佢會泊低架車喺一個好靚嘅地方，買煙花畀我哋玩，又會送公仔畀我哋，佢真係好好人！」

道歉短訊未回覆

可惜日本藏毒事件令黎明相當震怒，還將她逐出門下，問Jill可有親自向黎明道歉？Jill表示：「我有send短訊同佢道歉，我話really、really sorry，諗唔到講啲乜令佢原諒我，希望時間可以令佢睇到我轉變，真心同佢講對唔住，但佢冇覆我！（好嬲你？）佢真係好唔開心，真係心痛！（有咩說話同黎明講？）我每日都為佢禱告，希望有一日佢真心原諒我，經歷今次咁壞嘅事令佢好冇face，我唔想大家覺得佢唔係好老闆，希望佢開心！」而去年衞蘭演唱會上，Jill在後台跟黎明遇上，並主動上前擁抱及打招呼，可謂破鏡重圓。

此外，Jill提及獄中期間要家姐孤單一人慶祝生日即淚如泉湧，她嗚咽表示：「我返到香港睇番佢部相機啲相，得佢同兩個好親嘅朋友慶祝，佢邊切蛋糕但個樣好唔開心，真係唔係笑……Oh My God，佢為咗我咁唔開心，我哋第一次冇試過唔一齊慶祝！」

採訪：音樂組

攝影：沈健程

場地：STEIK WORLD MEATS

髮型：Harry Leung@i hair

服裝：Magnan and Tse