張馨予孖國產波神性感獅吼
楊穎（Angelababy）、周秀娜早前有機會跟張栢芝合作新戲《河東獅吼2》，可惜最後因檔期問題告吹，劇組起用了「內地版」o靚模、宅男女神沈芳熙及張馨予上陣，兩人會在戲中大賣性感！
張栢芝、內地紅星小瀋陽主演電影《河東獅吼2》將於本月初在寧波開鏡，早陣該片欲找范冰冰加盟，最終因劇本描述的角色年齡乃十八至廿歲左右，與冰冰年齡不太相符，劇組決定另覓人選，其後看中香港o靚模、宅男女神Baby及周秀娜，還有「內地版」o靚模、宅男女神張馨予、沈芳熙。眾所周知Baby的偶像是栢芝，若然合作應很有默契，可惜最後因種種問題，Baby與周秀娜最終未能演出，《河》片第二女主角落入「內地版」宅男女神沈芳熙手上，張馨予則為「女角三號」！
色誘小瀋陽
據知，沈芳熙與張馨予在片中要施展渾身解數，大賣性感，沈芳熙更要連環色誘小瀋陽以及黃維德，由於兩女均是身材噴血之人，肯定睇頭十足。記者致電有份投資《河》片的新亞洲娛樂公司余毓興，他承認曾斟過Baby及周秀娜，他說：「我哋喺內地同香港都有搵演員，Baby同周秀娜都有搵，但最後因為佢哋嘅檔期問題，再加上我哋覺得內地市場好重要，所以揀咗有『內地版』o靚模、宅男女神沈芳熙同張馨予演出。」
文：影視組