(3)許亦妮博翻身 阿伯勁彈：唔靚嘅

「2011香港小姐競選」三日兩夜番禺外景，昨日分別在長隆樹熊館和水上樂園取景，佳麗以比堅尼泳裝下配裙仔示人，「巨咪」成風頭躉的J李天縱卻以「家有急事」為由缺席，佳麗少了強勁對手，造就(3)許亦妮、(13)蔡慧欣和(15)梁蔚翎的「大咪」一族蒲頭，而(5)朱晨麗亦相當Sharp醒，因而惹來半百遊人圍觀，行程中更設「歡樂小姐」選舉，安排各佳麗帶同親友同行齊齊合攝，以畫面最歡樂效果為取勝條件。

拋心口抱老虎仔

緋聞多多的(3)許亦妮，沒有「巨咪」李天縱與她爭「峰」，即出招谷人氣圖反超前。她於大隊參觀樹熊館時，單獨離隊向老虎仔拋心口玩抱抱供記者拍照，搞到老虎仔反抗大叫，之後她又以泳裝上陣，成功將「胸骨」收起以自然體態示人，惹得在場半百遊人圍觀拍照，妮妮以為挽回聲勢，怎料遭到睇嘢阿伯勁彈，更一盆冷水照頭淋，大聲說：「都唔靚嘅！」

許亦妮拋心口兼露肉都未能撐場而心有不甘，她事後受訪時死撐聽不到阿伯彈「唔靚」：「聽唔到喎！我覺得靚唔靚係觀點與角度！（泳裝上陣唔覺胸骨咁現？）減肥瘦咗，所有嘢都有改善嘅！」對於(10)李天縱冇到是否搶回不少風頭？她說：「唔覺喎！我都好掛住佢！（畀咁多人圍觀習慣？）第三次着泳衣拍嘢都慣！」

(2)關曉琳雖極力收腹挺胸，但仍未見顯著效果。	(5)朱晨麗自讚身材平均。	(11)劉思希的狀態漸入佳境。
(10)李天縱以「家有急事」為由，缺席昨日的外景拍攝。（資料圖片）	許亦妮拋心口抱老虎仔。

(5)朱晨麗自讚平均

至於(13)蔡慧欣昨日未再見騰雞，表現相當淡定，她說：「開始習慣面對鏡頭，（多男人影唔介意？）唔介意，啲相第二日都見報，人人都睇到架啦！（係咪滿意自己身材所以唔介意？）努力減緊肚腩，（上圍會跌Cup？）冇度，但我唔會為咗咁而唔減肥！」對於有傳李天縱隆胸，蔡慧欣表示視覺上好真，問她有沒有摸過？她說：「我唔會驗胸！」

昨日狀態大勇的(5)朱晨麗被讚，她頻說多謝，還有信心可以更好，問曬得一身健康膚色的可覺被「大咪」佳麗搶風頭？她說：「各有長處，我就覺得自己係平均，（(10)隆胸？）身邊冇人隆胸，我唔識睇，（摸過？）唔會！」