何紫綸訪山區學童喊足四日
模特兒何紫綸（Ann）偕同師弟梁健衡、范振鋒及女友李思欣，早前參與「衍生行羅定湖南關愛考察探訪團」，原來衍生行為改善山區教育問題，先後在羅定及湖南捐建多所學校。首次做探訪的Ann，直言此行感受良多，覺得當地的兒童有些被父母遺棄外，更身處惡劣的生活及教育環境。
Ann說：「我預備好多小禮物例如糖同文具，送畀小朋友時，佢哋開心嘅樣真係好難忘，去探訪四日我喊足四日，其實我哋要惜福，因為好多人想改變環境都冇能力。最有意義係我以model身份去探訪，因為我想外界知道model唔只係行騷，都可以關心社會事務。尤其嗰班靠性感出位嘅o靚模，與其拋胸博出位，不如留番呢啲心機同時間關心社會好過啦！」她續說稍後將會推出影集為乳癌基金籌款。另外，身為張栢芝好友的Ann，表示日內會相約對方飯聚。
