陳奕迅挺鋒平和非機蟲

早前栢芝接受訪問時數臭霆鋒輸民心，反而霆鋒無論發聲明和公開剖白都不說一句怨言。前日，霆鋒便飛返馬來西亞專心拍《逆戰》宣傳片，雖然尚餘約一星期即煞科，但這幾天都要拍重頭戲。據知，為婚變搞到心力交瘁的霆鋒，逼自己唔諗唔理，全副精神拚搏，寄情工作。

至於霆鋒的老友Eason昨日出席電影《功夫熊貓2》宣傳，一身街坊裝、人字拖的他笑說：「一陣要上機，去一個近排最好唔好去嘅地方。」原來Eason是去馬來西亞宣傳巡唱，問會否搵在當地拍戲的霆鋒？他說：「佢好耐冇聽電話，佢拍戲唔知阻唔阻住佢，佢唔係好講嘢。」

霆鋒寄情工作，強迫自己唔諗家變一事。（資料圖片）

陳奕迅踢拖上陣宣傳其配音電影。

借老友鏡 反省自己

Eason又維護霆鋒封嘴拒談二人婚變，並推介大家睇《功》能令人心平氣和，並力撐霆鋒：「佢一直幾心平氣和。」問會否叫栢芝睇？Eason似暗示栢芝數霆鋒太過火，笑說：「睇完真係幾好，不過唔會送飛畀佢，首映個個追住佢，我咪好慘，我先係主角。」

問擔唔擔心霆鋒一對兒子？Eason鬼馬說：「擔心自己小朋友先，畀啲空間佢哋處理，我同霆鋒熟啲，一齊傾偈踎街賞月，佢係我其中一個最好朋友。」對於栢芝指控霆鋒掛住打機唔理仔，Eason為好友平反：「佢好多嗜好唔係淨係打機。（係咪好老公、好爸爸？）冇乜時間見佢一家人相處，反而諗自己係咪好爸爸。」

查小欣嘲 栢芝失策

此外，拉姑好友查小欣率先在節目踢爆鋒芝婚變，昨日她在博客又力撐謝霆鋒，取笑栢芝借好友鬧老公是幫倒忙，她說：「她不是指我炒作，變相承認我所講都是事實。」還撐霆鋒打機只是減壓，而不是拈花惹草，身為老婆卻不體諒他，又不澄清沒要過霆鋒一分一毫，反而機艙合照事件不顧丈夫尊嚴！

文：音樂組