陳君宜轉型搞網上商店無暇生育
前名模及玩具城董事鄭躬明太太陳君宜（Qinnie），本來在中環開設時裝店，更曾說有意開分店擴充生意，但怎料分店未開，總店就結束營業，並轉型搞時裝網站www.zeuz.com.hk。Qinnie說：「老公初時教我話一係唔搞，係搞就發大嚟做，仲提議我開十幾間分店，但係舖租真係太貴，好難回本。而我覺得網上商店有潛力，所以將成盤生意變為網上商店，專入歐洲同日本時裝。」
Qinnie說以前只聘請兩個職員打理時裝店，但現在轉型後卻租了一個studio office及聘請超過十個員工。原來Qinnie想把網頁辦到恍如時裝雜誌，除了聘請時裝編輯撰寫潮流資訊外，更邀得徐子淇御用化妝師Gary Chung撰文，以及售賣Gary的護膚產品。「網頁會每星期更新潮流時裝資訊，仲請咗個形象設計解答讀者扮靚嘅問題，而office有埋studio，一有新衫就有模特兒示範。依家同一啲品牌傾緊，佢哋會為網站設計exclusive items。」忙於搞生意的Qinnie，直言暫不生育，因唔想半途而廢，而身邊一眾好多朋友如徐子淇都幫襯捧場。