黃宗澤陳自瑤明上私隱署討公道

無綫為反擊《忽然1周》及《FACE》偷拍並刊登旗下藝人寓所內的私生活照片，明天將由製作資源部總監樂易玲，率領受害人黃宗澤、陳自瑤及王浩信，聯同演藝人協會代表林家棟、陳芷菁，殺上灣仔香港個人資料私隱專員公署遞交投訴信。

杏兒甩底

但身為黃宗澤緋聞女友的胡杏兒，雖然被偷拍到在黃宗澤寓所內替對方抹身，並曾揚言無論如何都會度期出席，以示支持，但明天卻選擇缺席。無綫外事部副總監曾醒明表示：「因為胡杏兒當日只係去探黃宗澤，無綫尊重佢個人意願，所以唔安排佢出席。至於樂小姐同演藝人協會兩位代表只係去聲援，明日程序係受害人去到宣讀聲明，然後填表格，再由私隱專員核實身份，之後再約時間單獨訪談，提出投訴。」

陳自瑤將以受害人身份到私隱專員公署投訴。

胡杏兒明日將不會隨黃宗澤往投訴。（資料圖片）

律師同行

演藝人協會幹事陳芷菁表示：「我會代表演藝人協會出席，到時仲會有協會嘅律師同行，演藝人協會已經就接連發生嘅藝人偷拍事件成立研究小組，成員包括我、森美等人，小組要向會長曾志偉匯報，再由佢親自對外發表。」芷菁續說：「演藝人協會會積極關注藝人喺寓所被偷拍嘅事件，唔只今次呢三位無綫藝人，連之前薛凱琪同黃秋生兒子被人偷拍，我哋都會關注。」

樂易玲

陳芷菁

文：影視組