戴辛尉：男仔都鍾意打機

挺鋒派

戴辛尉

謝霆鋒多年前曾跟戴思聰老師學唱歌，因而與老師細女兒辛尉（葳葳）短暫拍拖，昨日葳葳表示有留意鋒芝婚變：「不過呢啲係兩小口子嘅私事，外人唔好評論，（霆鋒掛住打機？）我識佢時好細個，個個男仔都鍾意打機啦，（好男仔？）我認識嘅佢好細個對自己每一步如事業，都已經好清楚、好緊張，做嘢好規律、好深思熟慮，（離婚可惜？）當然可惜。」

周杰倫

在馬來西亞和謝霆鋒合拍《逆戰》的周杰倫說：「他在片場拍攝時心情相當不錯，雖然他之前不斷NG被路人喝倒采，又被記者追問婚變的傳聞，不過他的EQ很高，還可以微笑工作，是我的話就受不了。」

挺芝派

化妝師Rick Chin

Rick Chin：「默默保護，獨自承受的痛楚，結果受到惡意中傷、批評……妳（栢芝）知我從不盲目給妳放縱，我只幫理不幫親……我眼見的卻是事實，這些年來妳已經做了好媽媽，好太太了！當然一直不變是妳的內心，不記仇，善良美麗！妳已問心無愧了！」

台星Makiyo

Makiyo：「Dear最勇敢的好姐妹栢芝，你一定要堅強，我們好姐妹都超支持你，也超愛你，一定要撐。」栢芝則透過助手Andygaga的微博回應︰「Love u 謝謝好姐妹的支持。」

栢芝弟張豪龍舊愛何紫綸

何紫綸：「留兩子喺屋企？栢芝同霆鋒兩公婆都係為工作，有時為做嘢要出外，交託畀家傭或朋友照顧係在所難免。大家都好錫栢芝，好似Rick Chin咁上去幫手照顧吓，大家都冇所謂。因為以往我哋屋企有咩事，又或者有小朋友要照顧，栢芝都好樂意主動幫手照顧。所以呢個質疑傳聞令我覺得好奇怪。」

中立派

譚詠麟︰「真係唔明點解兩個人嘅事，尤其是感情會有咁多局外人說三道四。畀時間他們冷靜處理，始終兩位人生還有漫漫長路，反轉豬肚就正中八卦者下懷！又從報章上版面的擺位就可反映出香港人的八卦指數，真的是no.1。」