未婚夫被傳同性戀 莫文蔚欲法律追究

設計師何志恩（Johanna）昨日出席Forever Redressed環保時裝展覽，提到莫文蔚（Karen）日前於台灣金曲獎宣布婚訊，身為其好友的Johanna透露自己早已知道此事，並會為她設計婚紗：「我依家都幫佢整緊演唱會衫，裏面有一件都好似婚紗，不過會同真正嘅有好大唔同。（性感婚紗？）唔會，因為佢會喺意大利嘅天主教教堂行禮，一定要冚住膊頭。佢自己都話喺台上面係另一個佢，真正嘅佢仲保守過我。」
對未婚夫被傳是同性戀，Karen直斥報道失實。（資料圖片）
對未婚夫被傳是同性戀，Karen直斥報道失實。（資料圖片）

至於Karen對未婚夫被傳是同性戀，她直斥報道是人身攻擊，未婚夫在網上看到譯成英文的報道都好驚，她說：「唔單只傷害佢，傷害埋我，我一定考慮法律追究。」Karen說：「16歲嗰年我喺香港未考會考，邊可能識佢，佢有三個仔女，點會係同性戀？男友唔係圈中人，點解要咁寫。」

何志恩將會為Karen設計婚紗。
  • 何志恩將會為Karen設計婚紗。