性感Lynn 全裸JC 落簾護春光
藝人在家中被偷拍事件成為城中熱話，昨日名模熊黛林（Lynn）出席活動時，坦言在家中衣着性感，為免洩春光，習慣拉上窗簾。期間，她被發現頸上有疑似咖喱雞，Lynn以阻住工作為理由，強調咖喱雞不會出現在她身上。
名模熊黛林聯同Jessica C.（JC）及其男友Sergio，昨日齊齊出席瑞士天梭錶為慶祝品牌推出首枚陶瓷腕錶及旗艦店揭幕活動。
穿上白色tube dress的Lynn表示剛由台灣回港，對於黃宗澤被偷拍事件，她也有所聞，她謂︰「我知，好大件事，聽到有少少驚，我已經幾年無開過屋企嘅窗簾，最多係開一條罅，初時嚟香港淨係開抽氣扇。喺屋企無理由着晚裝，着家居服就一定唔靚，着得唔靚又會畀人講。」
鎖骨現咖喱雞
Lynn坦言在家中不喜歡開冷氣，故難免會着得較性感，例如小背心，她大呻做藝人不公平，在家既無私隱還要被寫衰，問到會否叫男友郭富城不要在家中全裸？她笑言：「唔使我講。（你哋兩個喺屋企，係咪連窗簾罅都唔敢開？）你話我同隻狗呀？」
另外，Lynn的鎖骨位置有疑似咖喱雞，她解釋只是撞到，問她是否被嘴唇撞到，她開玩笑說：「咁個嘴唇會流血喎！唔會係（咖喱雞），我好小心，唔係細路仔，咁樣唔係浪漫，只會阻住做嘢，畀人笑。」
JC孖男友現身
至於Jessica與男友Sergio行騷時十分甜蜜，期間Jessica忍不住親吻男友。對於偷拍事件，Jessica稱自己在家時經常拉上窗簾，警覺性甚高，她說：「我唔係覺得尷尬，只係想保留私隱。」問她在家中會否全裸？Sergio即代女友坦承「會」，Jessica即大叫：「我的天！我唔係經常，喺屋企會着得舒服啲。」
文：名人組