趙哲妤人體彩繪涼浸浸
擁有33C驕人上圍的「中國小姐」趙哲妤（Uny），為寫真集試造型不惜以Bra Top上陣，務求造出最佳效果，Uny更捱凍三粒鐘，於腰間畫上人體彩繪！
昨日Uny為《趙哲妤Uny寫真集》試造型，以Bra及黑色短褲上陣的她，於腰間畫上人體彩繪，彷彿穿着連身內衣，性感非常。她興奮地表示自己早已恨玩人體彩繪，如今終於得償所願，她說：「畫咗三個鐘！（痕唔痕？）唔痕，不過好凍囉。（會唔會全裸咁畫？）其實依家襯Bra都好時尚，我自己都收藏咗好多性感內衣，不過淨係着畀自己睇。」
唔夠瞓險出車禍
問到其男友會否投訴她過分性感？Uny避重就輕地回應：「依家以事業為重。但係我都要嫁人，會健康性感，唔會做一啲貶低自己或者過分暴露嘅事。」另外，她透露近日忙於為電影宣傳，每天只睡三、四小時，早前更因太累而險些釀成交通意外！她續說：「依家要分秒必爭，寫真集應該趕得切喺書展推出。（o靚模競爭大？）最緊要做好本分，有競爭先有進步，放馬過嚟！」
至於提到早前有關o靚模於試鏡時遭非禮一事，她表示自己亦曾有相似經歷：「試過有公司叫我着內衣casting，仲話要幫我度身，我當時好驚，要求要女人幫我度，但佢哋話冇，最後我梗係冇畀佢度啦！」
文：名人組