陳靜唔識戴Bra變八字波
擁有驕人上圍34D的陳靜（DaDa）最近擔任美胸代言人，昨日在活動上DaDa「倒奶」炮製沙律，贏盡目光！不過，曾因不懂戴Bra的她直言現時上圍出現「八字波」的情況！
DaDa昨於銅鑼灣出席spa美胸活動，並宣布擔任美胸代言人，為了展示修身成效，DaDa即場除去外套，露出手臂、背部白滑美肌，再加上其四吋事業線，吸引大批龍友圍拍。席間，DaDa舉樽示範美胸及減手臂運動，又俯身大倒D奶整沙律，令現場氣氛升溫。
瞓到扯鼻鼾
今次擔任美胸代言人的酬金高達六位數，令DaDa大感滿意，她還表示自己有不少美容問題需要解決，她說：「我呢排拍戲好大壓力，瞓唔到，做美胸療程嗰陣，可以令我瞓得好好，美容師仲話我有鼻鼾聲，（會唔會嫌自己胸形唔係咁好？）都係，胸形唔夠靚，有啲『八字波』，唔夠集中，今次會好好把握機會，啲療程會做盡啲，細個唔識保養個胸，又唔識戴胸圍，都係趁後生Keep番好啲。」
唔想再升級
DaDa已進行美胸療程兩個月，問她會否已看到成效？她表示：「唔會突然變得好好，要慢慢逐少逐少咁改善，感覺兩面埋咗（指胸部），我唔需要升級，只想要挺啲。」至於想由「八字波」變成甚麼形狀的胸部，她則笑言正常形狀就可以。
文：影視組