陳偉霆（William）和女友蔡卓妍（阿Sa）正陷入熱戀，昨日有人向多間傳媒格價兜售一輯他和中女曬太陽的相片，對方索價$3,000，暗示William背住阿Sa偷食！
記者致電William查詢，他勞氣說：「佢係我家姐，我哋感情好好，嗰日喺家姐屋企會所曬太陽，發現有人攞住手機不停兜圈，雖然有懷疑，但自己係公眾人物，又喺公眾地方，所以我冇阻止亦冇問。」
William知道家姐無辜被偷影，他大動肝火說：「真係好不滿，影響埋屋企人，好不屑呢種行為，佢影完自己收藏冇所謂，但公開發放就唔啱，兜售更可恥！」