栢芝無懼打風公園抱病湊仔
自與謝霆鋒傳出婚變後，張栢芝的行蹤一直備受關注，大批傳媒出盡法寶仍不見其蹤影。昨日栢芝終被本報獨家發現仍身處香港，抱病在身的她無懼一號風球陪兩名兒子玩耍，不過早前霆鋒放五日假亦不回港，可見兩人關係依然冰封。
栢芝與霆鋒的婚變傳聞擾攘多時，期間傳言不斷，但肯定的是兩人關係始終未明朗。霆鋒一直留在吉隆坡拍戲，栢芝則行蹤成謎。栢芝自本月五日在深圳拍畢電影《影子愛人》後便未有公開露面，有傳她因抱恙留在陽明山莊休息，但亦有指她已飛往馬來西亞或加拿大。
酷熱天氣穿長袖外套
為見「芝影」，大批傳媒均出盡法寶及四出張羅，但依然撲空。昨日本報終獨家發現「隱藏」多時的栢芝仍身在香港境內，兩名兒子Lucas及Quintus亦一同曝光！昨午雖然掛起一號風球，但「湊仔大過天的」栢芝趁未下雨時陪兒子到公園玩耍。見她單手抱着Quintus，同時看着Lucas周圍玩。不過在酷熱天氣下，栢芝仍穿上長袖外套，可見大病初愈的她身體依然未回復。雖然有傳栢芝抑鬱激瘦，但昨見她氣色不俗。當記者上前拍照時，她即說：「唔好意思！依家同囝囝玩緊，畀啲空間我，可唔可以行遠啲影？」
現場所見，身穿黑白間條衫及紅褲仔的Lucas非常活潑，不時跑來跑去玩盡各種遊樂設施及玩沙，栢芝亦從旁作出提點。其後栢芝準備離開，記者即上前追訪，問到會否就近日傳聞作出回應？她有禮地說：「唔會回應不實報道o架！唔該晒！」其後微笑地說拜拜。
傳三度懷孕刪減打戲
記者昨日致電栢芝經理人周小姐，問到栢芝身體是否已痊愈？周小姐說：「差唔多啦！但仲未病好晒，身子仲係比較弱，所以着多啲衫囉！」問栢芝是否昨晚出發米蘭？她即否認。再問霆鋒日前放五日假期間有否回港？她則晦氣地說：「唔見喎！（放假都唔返？）唔知呀！問番謝生啦！（栢芝嬲緊霆鋒？）唔知呀！唔講喇！」隨即匆匆掛線。
近日有報道指栢芝第三度懷孕，將有份演出的《河東獅吼2》更因此而為她刪減不少打鬥場面，之後再致電周小姐，她說：「唔回應。」此外，有讀者指霆鋒將移居馬來西亞，短時間不回港，其經理人亦表示不回應。
文：影視組