天明送祝福好友賀「收爐」

洪天明（舊愛）：恭喜佢唔使再追，因為追生仔、追生女都好辛苦，好似變咗一部生仔機器咁！不過佢哋大家庭，生一百個都冇所謂，最緊要開心。但我唔會打電話或SMS佢恭喜喇，一切在心中。

陳君宜（好友）：自己都係睇電視先知子淇生咗，祝BB肥肥白白，希望佢再生多個仔，就可以收工，等子淇休息多幾日會去探佢，同埋會買禮物畀小朋友。

陳君宜

容祖兒

何國鉦（時裝設計師）：個個都想佢生仔，依家生到個仔，個個都開心，佢可以收工！9月我會出童裝衫，我第一件做嘅BB衫就係幫子淇個囡囡做。

容祖兒：戥子淇開心，佢依家有兩個女一個仔，好熱鬧，一個好完整嘅家庭。（鼓勵佢再生？）佢咁有愛心又咁鍾意小朋友，可以再生。

諸葛紫岐：好戥佢開心，希望佢快啲調理好身子，祝BB健健康康開開心心，祝佢生多個仔，咁兩仔兩女湊成兩個好字。我見到人生仔自己都好想結婚生仔。

歐陽妙芝：恭喜佢，希望BB身體健康，子淇就快啲修身，希望佢再生多個仔，好事成雙。我好羨慕佢，咁快就完成女人嘅使命，呢個係福氣。我會買禮物送畀BB同子淇，因為做媽媽好辛苦，要獎勵。

馬德鐘：以前同子淇合作關係幾好，佢生仔當然戥佢開心啦，恭喜晒！我哋好耐都冇聯絡託你哋送上祝福。