Iris Monna夾擊DaDa追殺到上海

雙E孖妹「爆E超蓮」Iris及「混血E神」Monna出擊書展寫真戰，兩女未抗外敵就先行同門「內訌」，不諱言想挑戰師姐「百果園咪神」DaDa的終極寫真：「有競爭先有進步，想好似DaDa咁成為宅男女神，最好本書仲好賣過佢。」

三招氹掂公司

眼見DaDa遠赴上海為寫真取景，原定到澳門拍攝的35E Iris及34E Monna為與師姐睇齊，爭取飛到更遠的地方拍攝，在班底及取景地點一較高下，遂落足嘴頭冧經理人施念慈，希望公司能加碼揼水，以靚衫靚景增加贏面。

最後兩女成功憑積極修身護膚、減少夜蒲、勤力工作三招冧掂公司，獲准與DaDa一同到上海取景，還分享師姐的寫真御用班底，同獲形象指導梁詠茜（Lillian）執靚造型。早前兩女偕Lillian試泳衣，之後拉大隊與DaDa前後腳飛抵當地拍攝。

Iris與Monna邀得DaDa形象指導Lillian（中）執靚造型。

Iris與Monna為寫真精挑細選三點式泳衣。

投資六位數字

問到施念慈是否被Iris及Monna氹掂而落重本打造孖妹？她說：「佢哋好乖，少咗去玩，好努力保靚樣同工作，公司就錫佢哋，由最初決定去澳門，改飛上海拍攝。」談到投資金額，她坦言花了六位數字。

文：專案組 攝：沈健程

服裝：Blossom