伊健頻搬屋拉簾保私隱
鄭伊健曾被狗仔隊偷影在家中赤裸露點，對於接二連三再有藝人受害，曾經是過來人的伊健呼籲政府要立例監管，並指在家一定會拉窗簾，他慨嘆：「自己都係因為咁而不停搬屋！」
昨日父親節，鄭伊健到apm出席《Beautiful Day Live》DVD簽唱會，吸引逾500人圍觀，伊健還走近fans堆握手，熱情fans幾乎將鐵馬推倒，場面墟冚。提到台星搞簽唱會都跟fans抱抱，伊健笑說：「我係港星方法唔同，攬吓都可以，面貼面都得。」
戥受害者難受
曾經被狗仔隊偷影在家中只穿短褲的伊健，對於王浩信被偷影着底橫及黃宗澤的全裸照，問伊健會否覺得自己好彩？他說：「戥受害者難受，我都試過做當事人，除非政府立例監管！」對於無綫封殺該兩本雜誌，伊健舉腳贊成：「應該做番少少嘢，當然唔好再發生！自己亦發生過，憤怒過，但香港人會覺得睇吓冇乜所謂。」問現在會否小心些？他慨嘆：「冇法！以前住村屋好易入，狗仔隊唔係偷拍係明拍，自己為咗咁不停搬屋，可以當係推動力，生活環境愈嚟愈好，依家會拉窗簾，亦會叫女友盡量小心。」
此外，對於莫文蔚宣布結婚，伊健說：「啱啱同佢拍完戲，佢都冇講拍拖，好神秘，恭喜佢，最緊要佢開心。」問會否攞獎才公布結婚？伊健笑說：「咁要畀心機先。」他強調結婚一定會公布，不會講大話。
文：音樂組