陳嘉桓晒無敵腿 呂慧儀認老

曾志偉應日本國家旅遊局邀請，昨日帶同呂慧儀、陳嘉桓、江欣燕及梁靖琪（Toby）等往日本拍攝特輯，最近人氣急升的Rose穿上熱褲化行妝準備，令素顏上陣的呂慧儀及Toby笑言輸畀「妹妹仔」：「你真係青春無敵！」呂慧儀表示已帶定泳衣出發，但未知會否浸溫泉。

重振旅業有使命感

志偉透露他們將由東京玩到大阪，參與拍攝的藝人多達50人，希望可為地震後的日本重振旅遊業，他說：「有份使命感，當災後做啲嘢！（驚輻射？）應該冇問題，亦冇咩準備，去得就同當地人一樣生活。」提到黃宗澤遭偷拍全相，志偉表示演藝人協會甚關注事件，並已開會及搜集資料，但未決定會否作出聲討行動。對於莫文蔚宣布將下嫁初戀情人，志偉大感高興。

曾志偉帶同大批藝人往東京拍特輯，為日本旅遊業出一分力。

Toby笑言不敢喪食，因怕婚前趕不及減肥。

Toby血拼唔夠彈藥

聲稱主力血拼的Toby已帶定幾萬元，亦不擔心不夠「彈藥」：「冇就問志偉攞，以前同阿爸旅行都係當佢銀行咁！」她表示未婚夫沒有同行，對方亦甚擔心輻射問題，Toby說：「因為我哋打算年底結婚，出年造人！」至於表現雀躍的江欣燕笑言去日本是「返鄉下」，問到準備了甚麼？她說：「爛命一條！其實我唔係咁擔心，唔使咁驚青！」

文：影視組