張家輝樂意為霆鋒分憂
張家輝昨日現身沙田馬場，獲頒「太子珠寶鐘錶精英獎」，他指女兒已送小手工作父親節禮物。稍後將與謝霆鋒到北京宣傳新片《財神客棧》的他笑言，屆時霆鋒必成焦點，要談新戲就要盡快講。家輝坦言早前到新加坡出席電影節時，想探望身在當地拍戲的霆鋒：「但件事好熱辣辣，我唔想去打擾佢。之後去北京唔會八卦問佢家事，如果佢需要傾訴我好樂意，但我唔想以八卦角度去了解。（霆鋒堅決離婚？）估計唔到佢堅唔堅決，但佢喺呢個圈經歷好多嘢，相信佢可以handle。」
另外，家輝坦言在現場碰見不少昔日的無綫同事，十分懷念拍劇日子，雖心郁郁想再拍劇，但怕不能適應拍劇時的非人生活，故暫不考慮。