莫文蔚母勁讚女婿 叻仔有禮
莫文蔚（Karen）宣布婚訊，最開心莫過於她的親人。莫文蔚母親莫何敏儀昨日在電話中大讚未來女婿Johannes叻仔有禮貌：「佢係博士，佢哥哥係律師，父母更加係數學家，佢家庭教得佢好好，有禮貌，好easy、natural亦唔造作，對人好真！」她表示早已見過未來女婿數次：「雖然係外國人，但都識主動見女方屋企人，亦唔擔心有文化差異，（婚禮幾時舉行？）等小朋友搞啦，我哋enjoy就得。」莫文蔚哥哥莫里斯昨稱未知妹妹結婚的消息，但提到「準妹夫」即笑笑口非常開心。
德國籍的Johannes被「未來岳母」爆料起底，其實論家底和學歷，Karen和Johannes絕對是門當戶對，出生於書香世家的莫文蔚，曾祖父是英皇書院創辦人兼前校長，父親莫天賜是研究中國古籍的作家，母親莫何敏儀現任兒童癌病基金會會長，哥哥莫理斯則是劍橋大學的法律博士。莫文蔚85年就讀拔萃時已獲選為香港最傑出學生，繼而考獲獎學金到意大利讀高中，畢業於倫敦大學，懂多國語言，琴棋書畫無一不精。