鍾舒漫HotCha驚青鬥高

昨日Sherman打扮靚靚與穿上短裙的HotCha以頒獎嘉賓身份出席「on.cc東方互動舉辦的《2011年十大我最喜愛本地Apps大賞》頒獎禮」，吸引近百歌迷到場支持，由於四女均穿上四吋高踭鞋，上落台均顯得小心翼翼。不時接受ontv訪問的Sherman透露每朝起身都到網站睇新聞，她說：「on.cc新聞上載係最快，真係好方便！」

問到會否與緋聞男友張致恒研究手機Apps？她說：「唔好咁講，我哋只係同事兼普通朋友。（佢係咪你杯茶？）唔係囉，唔好拉埋嚟講，出道講到依家。」問到對方有否約她出街？Sherman說：「都係一大班朋友，佢約食飯我唔會覺得有乜特別。（唔想拍拖？）想，不過唔係因為佢而想。」

Crystal讚Money18好用

至於HotCha成員Crystal推薦Money18極度好用，她說：「我每日都係透過呢個Apps得知股市動向，好方便同好好用，打晒資料落去幫我計埋賺幾多同蝕幾多。（好多蟹貨？）少少啦，未入肉住。」

四女穿上四吋高鞋，行路時步步為營。	HotCha大讚on.cc即時新聞夠晒update。	昨日有近百歌迷出席頒獎禮，場面熱鬧。
HotCha即場接受ontv主持人俞詠文訪問。

採訪：音樂組