孫耀威（Eric）昨日現身電台宣傳新歌《You and I》，憑歌記載現時愛情觀，他說：「以前拍拖想多姿多采，依家追求細水長流，可以當係福音歌，係我同神、女友嘅關係。」Eric自言受信仰影響，一改大男人性格：「以前一個星期嗌三次交，依家一年都嗌唔到三次。」Eric透露最近身邊很多朋友離婚，正好將此歌相贈，會否送予鬧婚變的「鋒芝」？他說：「都未離。（離咗先送咩？）總知依家呢個風氣唔好。」
