胡杏兒心痛：都畀人睇晒
黃宗澤（Bosco）對於被偷拍全裸照大感無奈，昨日愁爆缺席新戲開鏡拜神，幸得女友胡杏兒開腔呵番。昨日一身古裝造型在電視城開工的杏兒，開腔安慰男友：「好無奈，唔知講咩好，都畀人睇晒。（無綫封殺有關雜誌？）都唔係封一世，我都好擔心Bosco唔開心，不過都見佢OK，希望佢哋唔好再影，Bosco依家喺屋企好慘好似坐監，要閃閃縮縮。」
心情低落
Bosco心情低落，缺席邵氏新片《勁抽福祿壽》開鏡拜神，只在微博向各方好友說別動氣，他正平復心情，多謝大家關心和關注。而拜神儀式出席者眾，繼有無綫高層樂易玲、王小鳳、王祖藍、阮兆祥、李思捷、張可頤等，其中曾志偉亦認為在家不着衫是天經地義的事：「藝人雖然係『食得鹹魚抵得渴』，但喺屋企換衫屬天經地義，偷拍行為着實不對。」
