崔建邦落場寧廁所面壁

31歲崔建邦由低做起不介意月薪得九千元，昨日面對記者追訪，同劇工作人員為他擋駕，Amigo未有接受訪問，只說：「多謝關心，我只想講一句我會做好呢份工，會努力，其他唔講。」能夠睇得起自己，冇人敢睇低他！昨日他重返電視城，即與一眾昔日演藝同事包括吳卓羲（Ron）、陳展鵬和緋聞女友唐詩詠一起工作，惟他與詩詠卻緣慳一面！

唐詩詠全力支持

Amigo落難之時，詩詠不離不棄還上門過夜陪傾偈作支持，昨日她仍力撐首天返電視城開工的Amigo：「之前都有聽聞佢返嚟做PA。（支持？）所有朋友我都支持。（遇到尷尬？）我未遇到，但應該唔會，大家都係做嘢啫。（擔心佢捱唔到？）咁要問番佢！（得九千蚊人工？）依家唔係介意呢啲嘢嘅時候，做好自己先。」

崔建邦第一日做PA，不肯面對記者鏡頭，寧願在男廁外「面壁」。	放大圖片	唐詩詠對崔建邦不離不棄，始終力撐他。

吳卓羲籲畀空間

為新劇《ATF》開工的Ron，與Amigo早已認識，對方做PA他也是剛剛才知，見面並不尷尬：「都係為工作，大家應該支持佢，畀啲空間佢。（會指點佢？）我都要請教佢啦！」而陳展鵬見到Amigo十分愕然：「能屈能伸，男人係咁o架啦！佢有咁嘅決定一定有佢原因。呢行最辛苦就係做PA，大家應該支持佢。」

至於與Amigo「無兩句」的王賢誌，昨日得聞對方做PA即愕然說：「吓？真係o架？上星期仲聽聞佢去另外個台做嘢，又話佢幫志偉拍電影。（聯絡過？）我哋冇聯絡，不過做PA可以鋪排電影發展，證明佢仲好有熱誠。（人工得九千？）無綫藝員都唔高人工，何況PA！（樂易玲關係？）應該唔關佢事，我知PA辛苦，佢好大勇氣，最難面對係身份嘅轉變。」

另外，Ron的緋聞女友張馨予日前默認拍拖，昨日他依然不予回應：「佢冇親口講，我唔會回應。（林峯都玩你叫『你哋』一齊睇演唱會？）咁大鑊？佢畀飛我咪帶阿媽睇囉！」

文：影視組