林子祥與時競賽唱足60首
林子祥（Lam）將於本周五開始假紅館舉行三場《VINTAGE LAMUSIC CONCERT》，昨日他繼續為個唱綵排，兒子林德正及女兒April亦有到場探班。
Lam表示會於約三個小時內獻唱最少六十首名曲：「盡量都唔希望唱到超時，唔想罰錢，所以啲歌會安排得緊湊啲，亦都希望觀眾會準時入場，等個騷可以準時開始。」今次個唱由概念到正式編排花了兩年時間，由於計劃齊全，個唱籌備一直都進行順利。
全家做音樂
為紀念Lam入行卅五周年，今次個唱會送出限量版18K電鍍金牌，但送出方法未定，最緊要做到公平公正，並透露屆時子女會到場支持。原來April正在做有關音樂會推廣的工作，Lam笑言全家的職業都跟音樂有關：「可能係遺傳！個仔遲啲會出碟，依家揀緊歌。佢最大嘅問題就係諗緊留唔留鬚，驚留鬚太似我，有啲人就鍾意佢冇鬚白白淨淨靚仔啲。」
文：音樂組