洪朝豐克服狂躁重出江湖
51歲的洪朝豐宣告重出江湖，將於8月開咪做電台節目，活了半世紀的他不望再創高峰，認為成功是天賜，失敗是非戰之罪！過去被精神病纏繞逾10年受盡歧視，現在要一世食藥的他說：「我唔可能畀第三次抑鬱狂躁症復發！」
繼蔡楓華復出樂壇後，當年因病狂數已故舊愛寶詠琴，揚言「一隻手指捽死佢」的洪朝豐亦宣告復出開咪，今日的洪朝豐不再受精神病困擾，仍住在藍田屋邨的他說：「有數碼電台搵我主持吐心聲節目，8月中開咪，復出感覺好似發夢！」
自99年離開電台後，多年來洪朝豐一直想再開咪：「儘管呢個社會成日話唔應該歧視精神病人，應該畀機會佢，但我睇唔到任何曙光接納我！」
數碼電台開咪
等到今日，終有數碼電台邀他復出，問酬勞是否可觀？他說：「唔可以講。」問有冇信心再創高峰？他坦言：「唔敢講，自己做咗半世紀人，明白成功係天賜，失敗係非戰之罪，係個天想你失敗。」
至於目前的精神狀況？洪朝豐說：「06年出院後已經完全康復，但要一世食藥，唔食就復發，仲唔驚咩？唔可能畀第三次抑鬱狂躁症復發，之前因為個病，乜都冇晒，入精神病房人人都驚咗我，出院後半年都冇嘢做，要靠家姐、朋友嚟接濟，依家已經認命，隨遇而安啦。」
唔提「洪寶戀」
當年「洪寶戀」轟動一時，問有冇再想起寶詠琴？洪朝豐收起笑容說：「唔想講，好耐前發生，人已經唔喺度，唔想提。」問點睇跟「洪寶戀」背景相似的陳振聰和龔如心？他同樣封嘴：「我亦都唔想講。」對於蔡楓華復出且反應不俗，他笑了笑說：「恭喜佢，為佢開心。」
採訪：音樂組