王賢誌家人與狄波拉是世交，昨日他以東華三院董事局總理身份出席活動時，透露約兩周前家人曾與拉姑食飯，當時已爆出鋒芝婚變風波，他說：「拉姑冇乜嘢，佢不嬲見慣風浪，嗰時佢同四哥離婚仲大壓力啦！都應付到，後日（即明日）四哥會出席我公司活動，你哋會見到佢。」他認為鋒芝婚變應該留給他們自己解決：「合則來不合則去！」
至於與霆鋒熟落的何超儀昨在活動中表示關心霆鋒，希望大家給予空間，她說：「人哋嘅嘢唔講咁多，我關心佢，相信依家好多人都會SMS畀佢，所以畀啲空間佢，至於小朋友嘅事我冇意見，我都冇生小朋友。」
