適當時候保護自己
雖然模特兒是向外的工作，不過她們應該打醒十二分精神，免得身體或心靈上受到傷害。
趙碩之對於有模特兒被非禮，她表示初入行當模特兒時去casting廣告：「有人要求我換上性感服裝，我覺得與廣告沒關係，就婉拒咗。」又指當年曾陪朋友去試鏡，朋友被邀入房並被要求脫外套度三圍，她說：「我喺門外聽到有爭拗，立即撞入去拉咗個朋友走。」趙碩之呼籲少女們千萬不要獨個兒去casting不要求勝心切，要懂得保護自己。
「Ｅ級教主」鄧伊玲（阿旦）說：「聽到o靚模被非禮一事，不寒而慄，做模特兒真係要好小心。」其模特兒好友曾遭鹹豬手，她說：「佢casting時個客扮晒幫佢整衫，點知係勁掃佢背，如果係我會即刻報警。」
郭秀雲呼籲少女要提高警覺，盡量不要單獨行動，她自小習武，故甚少被抽水，回想18歲時曾被非禮，對方被她打到「癱在地上」。
對於有o靚模被非禮，許穎話曾有類似經歷，兩年多前到一間模特兒公司面試，對方突然要她換內衣及泳衣：「當時冇咁識諗，照做，幸好有其他人，亦冇畀人摸。」但她事後得知該公司因偷拍女模換衫而被告，令她大感擔心。