模特兒公司搵女職員打點

Roy強調，如有需要身體接觸，盡可能會派女同事到現場打點：「所以我公司愈請愈多女同事，因為方便接觸model，如果有泳衣或內衣專輯，甚至會要求女記者在場。其實行內嘅專業助手或經理人，無論男女都會好自律，盡量唔會同model有身體接觸。」

施念慈：搵朋友陪

模特兒公司Style經理人Kim也直斥事件好離譜，她說：「通常試鏡會日頭發生，唔會夜晚進行，除咗嗰個工作特別指定要夜晚影例外，我會同所有模特兒講，如果發覺工作同之前講嘅唔同，有時可能係轉咗idea，所以要打電話問公司，由公司處理。」她認為私影要特別小心，因為不知道對方如何使用照片。

施念慈一向好照顧旗下的「女兒」。

周秀娜有經理人保護。

施念慈表示旗下o靚模從未遇上不愉快事件，皆因她每次斟洽工作時，必定事先清楚了解合作公司背景，旗下o靚模往試鏡時，也必派助手保護。對於尚未簽經理人公司的o靚模，施念慈：「除非好出名嘅大公司，否則試鏡時一定要叫多啲朋友陪。」