莊思敏驚爆 剝光豬試鏡

昨日有報道指有模特演藝製作公司之負責人藉訓練模特兒之名，要求模特兒拍攝裸照並乘機非禮，案件轟動模特兒界。昨日名模莊思敏（Jacquelin）驚爆亦有類似的經歷，遭人要求全裸試鏡。

要有第三者在場

Jacquelin透露事件發生於七年前，當時她已有年多的模特兒經驗，在模特兒公司安排下前往A先生的公司試鏡，她詳述當時情況說：「公司事前話係為時裝騷試鏡，現場只有A先生一個人，佢要求我除衫試鏡，佢想我全裸，仲話就算唔係全裸，至少都要除剩內衣褲。」

「爆乳E神」Monna試鏡亦曾被叫入房除衫，但她即時拒絕了。

Baby表示有公司為她揀Job，故不曾受騙。

Jacquelin認為A先生的要求不合理，並未有理會對方，她更即場致電所屬的模特兒公司，其公司也認同Jacquelin的做法，Jacquelin愈說愈激動：「呢位A先生竟然惡人先告狀，話我唔除衫係唔專業，佢仲畀我睇其他人試鏡嘅錄像，入面模特兒都係除晒衫，只用雙手遮胸。我覺得好變態，最後我走咗冇試鏡。佢係唯一一個向我提出咁無理要求嘅人。」Jacquelin續說所謂的時裝騷最後不了了之，她懷疑有人藉時裝騷試鏡名義抽水，根本沒有時裝騷。Jacquelin又提醒初入行新人，一般試鏡不會要求模特兒全裸：「如果係為內衣或泳衣試鏡，就有可能叫你着內衣或泳衣。但為保障自己，我會要求由女性負責試鏡，或者要有第三者喺現場。」

Baby有公司把關

另外，o靚模「爆乳E神」Monna亦遇過這位A先生，情況與Jacquelin近似：「試過去試鏡，A先生叫我單獨入房，仲叫我除衫，我即時拒絕，所以無不軌事情發生。但之後我同佢合作咗幾年，佢都有工作畀我，佢仲扮好人，請我食嘢添！」

至於o靚模始祖Angelababy就相當好彩，從未受騙，她說：「我每次做嘢都好小心，公司亦會幫我揀Job，我好相信公司。（點樣提防蝕底？）我好醒目，發覺有奇怪嘢，即時同公司講及走人，而且我有助手陪同，就更加安全。（換衫特別小心？）一定會打底，我係打底王，所以唔擔心。」

文：名人組