(12)王冠為錢途退選港姐

無綫外事部副總監曾醒明昨日在港男活動上宣布，有「黑面樂易玲」之稱的候選港姐(12)王冠以私人理由退選，鑑於港姐集訓及宣傳已進行得如火如荼，故無意進行補選，只餘十四名佳麗繼續參賽。同場的高層樂易玲大表可惜：「總之佢因為家事退出啦，詳細唔講喇！其實佢質素OK！（斟佢做藝員？）港姐同藝員分開嘅，選完先再物色有潛質嘅佳麗。」

任國際證券銷售助理

據知，王冠因擔心廣東話不濟影響表現，深感無緣登上后座而萌退意，加上現職國際證券銷售助理的她，眼見工作「錢」途與前途兼備，難抵高薪厚職誘惑，毅然向港姐講Bye Bye。

此外，(3)「D Cup GiGi」許亦妮再被爆有「第八號男友」，曾醒明表示男女合照是正常社交活動：「呢幾年多咗呢啲嘢，見怪不怪。」他又慨嘆相片可能經朋友流出，加上已屬「咸豐年前」，故對評審影響不大。

高海寧匿埋狂喊減壓

另一邊廂，高海寧、陳庭欣及楊秀惠昨日出席《為食總司令》記者會，港姐出身的高海寧與陳庭欣對有師妹退選大感愕然，異口同聲表示就算當年壓力再大，亦未曾想過退出。高海寧說：「我多數會匿喺房度狂喊減壓。」

文：影視組