黃翠如「搭上」富二代進駐莊園

有線藝人黃翠如早前因中東政局問題被迫暫停節目《這個世界那些人》的拍攝行程，回港不久即獲朋友介紹認識新西蘭超級富二代，對方豪氣地「包起」整個團隊，邀請他們到其莊園拍攝，黃翠如笑說：「呢個富二代嘅妹妹曾經喺有線打過一段好短時間嘅工體驗生活，今次請我哋去佢屋企，真係見識到乜嘢係大屋，佢屋企有森林、有葡萄園、有農場、有直升機場、有碼頭，入到大門都仲要坐車先去到間屋，要睇晒成間屋企真係要坐直升機飛到天空先睇得晒。」

客房幾千呎

面對年輕富豪的熱情款待，黃翠如坦言很感激，但卻有點不太好意思，她說：「我住間客房竟然有幾千呎，大到有啲驚呀！朝早去食早餐都要揸車，（主人對你有冇好感？）冇呀！我都唔會羨慕呢啲富貴生活，細細哋嘅莊園都OK，屋企太大個人有啲心虛，仲驚自己會迷路。」

有幸會前輩

黃翠如表示今次四日的拍攝行程，除了見識莊園生活，亦有幸和一班移居當地的老香港傳媒人會面，想不到一眾前輩竟然都有收看她主持的節目，令她有受寵若驚的感覺，更有一點點的感動，原來自己的節目可以去到如此遠的地方。

文：影視組