小儀咀過翻尋味：大解放

由火火任導演、EO2成員Otto監製的舞台劇《戀Love Love》，於年初公演時反應不俗，製作公司即乘勢舉行一連7場的Part 2，起用大部分原班人馬上陣，包括小儀、舞台劇演員陳康、蝦頭，DJ細蘇、Otto等，更加入生力軍小胡及Kiki。

年尾開拍電影版

為配合舞台劇主題Love，大部分演員也會有接吻場面，擁有不少「錫錫」經驗的小儀，談到再度與陳康接吻的感受，她笑到四萬咁口表示無難度，更謂：「好Release添，不過我戲份少囉！導演又話會加戲畀我，最後都冇嘅！」

在旁的火火對此作出解釋，表示起初有意為小儀加戲，奈何最後發現故事已精無可精，惟有捨棄此構思，不過於火火心目中，小儀乃一名表演欲強的演員，所以該劇稍後開拍的電影版本中，早已預留合適角色給她，火火謂：「我同黃柏高商量過，大概會喺年尾開鏡，除咗小儀之外，我都會睇吓今次邊個表現好，Casting吓。」

今次與拍檔陳康（右）咀嘴，抵死的小儀坦言無難度，仲好Release！

擁有一雙長腿的Kiki，飾演一個純真的女孩。

Otto震撼啜細蘇

至於生力軍Kiki曾參演過焦媛投資的舞台劇《我的快樂時代》，今回於《戀》劇內需性感上陣，有一雙長腿的她，笑言無懼穿熱褲騷腿示人，透露劇中演一名性格純真的女孩，但現實生活中卻剛剛相反，她謂：「我本身自尊心好強，唔認輸，所以排嗰時會成日做番自己性格出嚟，導演就成日提醒我，不過就係咁夠有挑戰性。」

而Otto亦有與細蘇接吻場面，鬼馬的他笑謂：「又一次驚心動魄地錫，不過今次已經有心理準備，冇上次咁惡心，但身邊朋友睇完就話接受唔到，哈哈！」

文：影視組