李亞男無懼輻射揸奶貪新鮮

李亞男一向鍾情日本文化，雖然早前日本福島發生核災事故，不過亞男因工作需要，早前被無綫委派往北海道拍攝特輯《純晴北海道》。她坦言初時有點擔心：「啲朋友有叫我小心啲，但我覺得人嘅生命有主安排，死都安排咗時間。男友王祖藍亦冇特別，佢知道我係為做嘢，表現平靜，可能唔想我有太大壓力。」

輕鬆又自在

亞男的大無畏精神，令五日四夜行程變得輕鬆又自在。她表示在當地勁食長腳蟹和壽司，完全無懼海鮮受到感染。她解釋：「其實當地人好似冇事發生一樣，照平常生活，所以我乜都照食。我仲第一次揸牛奶，味道真係好鮮甜，真係想再去飲多次。」

亞男還處女下海，與大班工作人員一齊去浸溫泉。她說：「我哋去到一個露天風呂，拍攝時候當然可以着泳衣，但私底下就要除晒衫。我同班幕後女工作人員一齊浸，大家都顯得好怕羞，連沖涼都要各自匿埋角落頭，唔敢望對方。」

李亞男無懼核輻射，在北海道勁食長腳蟹。

李亞男認為生死自有主宰，故抵達北海道時即玩個夠本。

回港後減肥

亞男雖然玩得好開心，但卻增磅不少，回港後即要努力減肥。她說：「喺日本食咗好多嘢，返到香港就要食營養餐單，好彩我張餐單仲可以食牛扒同飯，只係需要走油、豉油、糖同鹽。」

文：專案組