咀戲容易喊戲難 Baby飲酒催淚

潮模Angelababy與好戲之人徐帆、陳奕迅及桂綸鎂合作，Baby首次接觸徐帆是透過其電影，早就認定對方是個善良的媽媽，坦言與對方在《全球熱戀》中有不少對手戲使她甚為緊張：「徐帆姐係影后，第一次見就要做我媽媽，都有少少壓力。」

唔想拖慢進度

面對高手的Baby絕不敢怠慢，拍攝前做足準備：「徐帆姐情緒好快爆滿，我又唔想拖慢進度，會提前好多做準備，早啲去片場對稿，如果係傷心嘅戲，早啲將自己情緒Tune Down。」雖然與徐帆相處時間短，但Baby從翻看拍攝片段中獲益。

Baby表示開拍前未能完全揣摩角色，幸得夏永康導演教導，她說：「拍嘅時候冇壓力，拍之前就有心理壓力，驚做得唔好，但個壓力喺拍嘅過程中宣洩晒。」

Baby與桂綸鎂在新片中有不少對手戲。（資料圖片）

Baby拍攝喊戲時飲酒催淚，結果拍完後仍喊不停。

返酒店再喊過

Baby自言是個難以落淚的人，為拍喊戲，她要飲酒催淚：「如果要拍傷感戲，全日都會好低落，試過有一場大喊戲，飲少少酒會喊得好勁，所以嗰日試咗飲少少酒，拍完之後返酒店，再喊多半個鐘。（拍咀戲飲酒壯膽？）咁又唔使，嗰啲容易啲。」

文：專案組

攝：鄭家俊