Mr.入行三年想進軍影圈

樂隊Mr.前晚與歌迷舉行聚會,預祝今日Mr.出道三周年及為六月生日的fans慶祝。成員Dash指今日亦是樂隊Beyond主音黃家駒的生忌,意義重大。他們表示入行三年託賴各方支持,踏入第四年才算真開始,除希望有更多不同合作外,亦希望推出國語歌,另外他們透露公司正計劃向影圈進發。

至於感情生活,只有成員Ronny承認有拍拖:「有波折,喺創作上先有靈感。」而曾為富家女捲入桃色糾紛的Alan就言:「瀟瀟灑灑啦。(仲有聯絡?)同好多朋友都有聯絡,呢兩日休息,搵番好多朋友傾偈,好開心。(有拍拖?)感情生活OK啦,舒服、爽呀,呢啲嘢反反覆覆啦。」早前被傳與緋聞o靚模女友蔡穎恩甩拖的Tom坦言專注工作,Dash即力撐Tom:「佢一向專注工作,校長(譚詠麟)讚佢最有進步。(校長感情生活豐富?)呢啲我哋唔知。」